(Heart) Breaking News!!

 

నాకు అప్పుడప్పుడూ ఒక చిలిపి ఆలోచన వస్తూంటుంది. అదేమిటంటే

మనం ఎప్పుడైనా సాయంత్రం న్యూస్ సమయానికి ఏదో ఒక టీవీ న్యూస్ ఛానల్ పెట్టామనుకోండి. అప్పుడు ఆ న్యూస్ చదివే అమ్మాయో, అబ్బాయో ఇలా అంటే, మనం వింటే ఎలా ఉంటుంది?!

"ఇవ్వాళ ఏ రాజకీయవేత్త ఇంకో రాజకీయవేత్తని కొట్టలేదు. కనీసం బూతులు తిట్టలేదు.

రాష్ట్రం మొత్తం మీద ఎక్కడా హత్య, కనీసం హత్యా ప్రయంతం కూడా కాలేదు.

కనీసం ఒక చిన్నో, పెద్దో రోడ్ ప్రమాదం అవ్వలేదు.

ఏ పెద్ద నటుడి సినిమా, ప్రారంభోత్సవం, ఫస్ట్ లుక్, టీజర్ వీడియో, ఆడియో రిలీజ్, సినిమా రిలీజ్ ఆఖరికి పోస్టర్ రిలీజ్ అయినా కాలేదు.

మా కులాన్ని కించపరిచేలా ఫలానా సినిమాలో పాత్ర, సంభాషణలు ఉన్నాయని ఆ సినిమాని బాన్ చెయ్యాలని ఏ కులసంఘాలు ఆందోళన చెయ్యలేదు

ఏ సంస్థ సభ్యులూ "ఛలో సెక్రటేరియట్, ఛలో కొంపలకి" అనో ప్రకటించలేదు.

ఏ నటుడి అభిమానులు ఇంకో నటుడి సినిమా పోస్టర్లు చింపలేదు.

ఎవ్వరు సమ్మె చెయ్యటంలేదు. చేస్తామని ప్రకటించలేదు.

ఒక్కరు కూడా ఆత్మహత్య చేసుకోలేదు. కనీసం ప్రయత్నించలేదు.

పెట్రోల్, డీజిల్ ధరలు 32 పైసలు పెంచనూ లేదు. తగ్గించనూ లేదు.

ఏ రైలు పట్టాలు తప్పలేదు.ఏ రైలుని తగలెట్టలేదు 

ఏ ప్రభుత్వ కార్యాలయంలోనూ ఒక 500 రూపాయలు లంచం తీసుకుంటూ ఏ అవినీతి జలగా మా స్టింగ్ ఆపరేషన్ లో దొరకలేదు.

నిన్న రాత్రి జూబిలీ హిల్స్ చెక్పోస్ట్ దగ్గర తాగి కారు నడుపుతూ, "కనీసం ఒక్కరైనా "పదిమంది గుర్తుపట్టగల" పెద్ద మనుషులు" ఎవ్వరూ దొరకలేదు.

అధమపక్షం హైదరాబాద్ మెట్రో పిల్లర్లమీద, వీధి దీపాల స్తంభాల మీదా ఏ రాజకీయవేత్తకి జన్మదిన శుభాకాంక్షలు అందిస్తూ, వార్డ్ మెంబర్లు, ఓడిపోయిన ఎమెల్యే లు, ఎన్నికలలో పోటీ చెయ్యని నాయకులూ 40 అడుగుల పోస్టర్స్ అతికించలేదు.

మరందుకని ఇప్పటితో ఈ వార్తా ప్రసారం ఆపి ఒక అర డజను "కెవ్వు కేక. సూపర్ మచ్చి" లాంటి జబర్దస్త్ ఐటమ్ పాటలు వేస్తాం. చూసి ఆనందించండి. ఈ లోపల ఏమన్నా చెప్పుకోదగ్గ విశేషాలు జరిగితే మళ్ళీ వార్తలు కార్యక్రమం వేస్తాం.

ఇదంతా తెర మీద. ఇక తెర వెనకాల ఏం జరుగుతుందంటే!

ఈ కింద రాసిందంతా ఎవరు చెప్తున్నారు అని యక్ష ప్రశ్న వెయ్యకండి. ఎందుకంటే నాకూ తెలీదు. సినిమాల్లో ఒక వ్యక్తి ఫ్లాష్ బ్యాక్ చెప్తూ తను లేని సన్నివేశాలన్నీ కూడా మనందరికీ కళ్ళకి కట్టినట్టు ఎలా చెప్తారో ఇదీ అంతే ;)

మొత్తం మీద రోజూ చెప్తున్న, చెప్పుకోదగిన సంఘటనలు, దుర్ఘటనలు అస్సలు జరగలేదు కాబట్టి, ఇలా ఎందుకు అయ్యిందని చర్చించడానికి ఒక నలుగురు పెద్దమనుషులని పానెల్ డిస్కషన్ కి రమ్మన్నాం. మాకిది మాములేగా? ప్రతిదానికి ఇలా డిస్కషన్ పెట్టడం.

ఇద్దరు ఎగస్పార్టీ రాజకీయనాయకులని పిలిచాం. కాని వాళ్ళిద్దరూ కూడా కూడబలుక్కున్నట్టు మేం రామంటే రామ్ అన్నారు. రామ్ రామ్ స్టైల్ లో! అదేంటి సార్, ఎప్పుడు పిలుస్తామా అని ఎదురు చూసే మీరు రానండం ఏమిటంటే "మీరు భలేవారే? బైట ప్రపంచంలో ఎవరైనా కొట్టుకున్నా, తిట్టుకున్నా, వాళ్ళని తీవ్రంగా విమర్శించి, ఆపైన గర్హించడానికి అయితే వస్తాం. ఇలా ఏమి కాకపొతే ఎవరిని తిట్టాలి? ఎవరిని గర్హించాలి? మేము రాం" అన్నారు.

సరే అని ఒక వాస్తు పండితుడిని పిలిచాం. రాష్టాలు విడిపోయాక ఏమన్నా వాస్తు దోషాలు తలెత్తాయి ఏమో కాస్త సవరిస్తారని. అదే సవివరంగా వివరిస్తారని. ఆయనేమో ముందు మీ ఆఫీసు వాస్తు బాగాలేదు. దాన్ని నా సలహాల ప్రకారం మారుస్తానంటేనే వస్తానన్నారు."అయ్యా మాది అద్దె ఆఫీసు. దీన్ని మార్చగలం కాని దీన్ని మారుస్తానంటే ఓనర్ బాబు ఒప్పుకోడు" అని ఎంత చెప్పినా ఆయన కూడా డిస్కషన్ కి రావడానికి ఒప్పుకోలేదు.

సరే ఒక సంఖ్యా శాస్త్ర నిపుడిని ఆహ్వానించాం. ఆయనేమో "మీ ఛానల్ పేరు "టీవీ 808080" ఇప్పుడు నడుస్తున్నది ఎనిమిదో నెల. ఇవాళ ఎనిమిదో తేది. మీ డిస్కషన్ రాత్రి 8 గంటలకి. 8 కి శని అధిపతి. నాకసలే ఏల్నాటి శని నడుస్తోంది. నేను రాను గాక రాను" అన్నారు.

సరే అని ఒక పేరొందిన మహిళా సంఘం అద్యక్షురాలని పిలిచాం. ఎవరైనా పురుషాహంకారులని, పురుషాధిక్యం చూపించే మగ పురుషు(గు)ల్ని ఉతికి ఆరేయ్యడానికి అయితేనే వస్తామన్నారు.

ఇప్పుడు మా పరిస్థితి ఉన్నది పాయె అన్నట్టు తయారయ్యింది. వార్తలు లేవాయే. పానెల్ డిస్కషన్ చెయ్యలేక పోయే. ఇలా ఇంకో రెండు రోజులు కొనసాగితే ఇంతే సంగతులు. ముందు మా ఉద్యోగాలకి. తర్వాత మా ఛానల్ కి!

ఈ లోపల న్యూస్ ఎడిటర్ గారు హడావిడిగా తన శాఖ ఉద్యోగులందరితో ఒక సమావేశం పెట్టి ఇలా అంటాడు "ఇప్పుడు ఆ అమ్మడు చదివిన న్యూస్ ఎటు తిరిగీ రికార్డు చేసాం కాబట్టి దాన్ని లూప్ లో పెట్టి ప్రతి అరగంటకి వేసేస్తూ ఉండండి. చెప్పిందే చెప్పడం, చూపించిందే చూపించడం మనకి, విన్నదే వినడం, చూసిందే నోరెళ్ళ బెట్టుకొని చూడడం ప్రేక్షకులకి మాములేగా! ఇదిగో న్యూస్ రీడర్స్. ఇక్కడ ఉండి చేసేదేం లేదు కాబట్టి మీరంతా ఎంచక్కా ఇంటికో, సినేమాలకో చెక్కెయ్యండి. నేను ఒక రెండు మూడు గంటల్లో మిగతా వార్తా చానల్స్ ఎడిటర్స్ అందరినీ అత్యవసర సమావేశం ఏర్పాటు చేసి ఇలా రాష్ట్రం మొత్తం ఇంత ప్రశాంతంగా ఉంటే మనమేం చెయ్యాలి అని డిస్కస్ చేస్తాం. మీ అవసరం పడితే వాట్సప్ మెసేజ్ ఇస్తాం. అప్పటిదాకా కొంపల్లో పడుండండి" అని అంటాడు. అప్పుడు న్యూస్ రీడర్స్ అంతా ఈలలు, ఈలపాటలు.

కాని ఇంతలో ఒక యువ న్యూస్ రీడర్కి ఒక గొప్ప సందేహం వస్తుంది "సార్! మీరు మమ్మల్ని సినిమాకి పొమ్మన్నారు. బ్రహ్మాండమైన ఐడియా. ఆఫీసు వేళలో సినిమాకి వెళ్తే ఆ కిక్కే వేరు. కాని ఇక్కడేమో నేనిందాక చెప్పిన న్యూస్ రికార్డింగ్ లూప్ లో పెడతామన్నారు. మరి బైట ఎవరైనా నన్ను ఈ న్యూస్ టైం కి సినిమా హాల్ల్లో చూస్తే ఇంకేమన్నా ఉందా? మన కొంప కొల్లెరవ్వదూ?" అంటాడు. అప్పుడా చీఫ్ ఎడిటర్ "మరదే! 30 ఇయర్స్ ఇన్ ది ఇండస్ట్రీ  అయినా ఇంకా న్యూస్ రీడర్ గా ఉన్నావు. నేనేమో చీఫ్ ఎడిటర్ అయ్యాను. నిన్ను సినిమాహాల్ల్లో చూసిన వాళ్ళు ఆ టైం కి టీవీ ఎలా చూస్తారయ్యా? బాబు. ఇంట్లో టీవీ చూసే వాడు నిన్ను సినిమా హాల్లో ఎలా చూస్తాడు? బొర్ర పెంచడం కాదు. కాస్త బుర్ర వాడండయ్యా!"

ఇలా అయ్యిందనుకోండి! ఎలా ఉంటుందంటారు?!

 నా మట్టుకు #కెవ్వుకేక లా అనిపిస్తుంది ;)

A local NGO office realized that the organization had never received a donation from the town's most successful lawyer.

The person in charge of contributions calls him to persuade him to contribute. "Our research shows that out of a yearly income of at least $500,000, you did not give a penny to charity. Wouldn't you like to give back to the community in some way?"

The lawyer mulled this over for a moment and replied, "First, did your research also show that my mother is dying after a long illness, and has medical bills that are several times her annual income?"

Embarrassed, the NGO rep mumbled, "Um, no."

The lawyer interrupts, "Or that my brother, a disabled veteran, is blind and confined to a wheelchair?"

The stricken NGO rep began to stammer out an apology, but was interrupted again.

"Or that my sister's husband died in a traffic accident," the lawyer's voice rising in indignation, "leaving her penniless with three children?!"

The humiliated NGO rep, completely beaten, said simply, "I had no idea."

On a roll, the lawyer cut him off once again, "So if I don't give any money to any of them, why should I give any to you?"

Start the week with a smile and #HaveAGreatWorkingWeek